Presidenti Republikës së Shqipërisë, Ilir Meta ndodhet në një vizitë zyrtare në Kroaci. Në një postim në Facebook, Meta teksa publikon foton me homologen Kolinda Grabar Kitaroviq shkruan se marrëdhëniet e shkëlqyera shqiptaro-kroate janë model në rajon.
Presidenti shkruan se në themel të marrëdhënies qëndron kontributi, vetëmohimi dhe sakrificat e shqiptarëve.
Ja postimi i plotë i Metës:
“Marrëdhëniet e shkëlqyera shqiptaro-kroate janë model në rajonin tonë, ato mbështeten në lidhjet e forta historike mes dy kombeve e ndajnë vizionin e përbashkët euroatlantik.
Në themel të tyre qëndrojnë denjësisht kontributi, vetëmohimi dhe sakrificat e shqiptarëve në luftën heroike për pavarësi të Kroacisë”, shkruan Meta.
