Një 48-vjeçar u vu në pranga nga efektivët e policisë të komisariatit të Fierit. Llazar L, akuzohet se ka ushtruar dhunë ndaj motrës së tij.
Policia bën të ditur se ngjarja e dhunës dyshohet të ketë ndodhur në banese. Për motive të dobëta, 48-vjeçari ka ushtruar dhunë fizike ndaj motrës së tij, V.L, 52 vjeçe.
Blutë e qytetit të Fierit, bëjnë të ditur se materialet procedurale në ngarkim të 48-vjeçarit i kaluan Prokurorisë pranë Gjykatës së Shkallës së Parë Fier për veprën penale “Dhunë në familje”.
