Policia e
Lezhës ka arrestuar një person që drejtonte mjetin në gjendje të dehur, ndërsa
pasagjeri kundërshton me forcë punonjësit e policisë që të mos kryejnë veprimet
burime nga policia lokale bëjnë me dije se janë vënë në
pranga shtetasit Renato Gjonpalaj, 26 vjeç, banues në Lezhë
dhe Besnik Lami, 33 vjeç, banues në Lezhë.
“Në aksin rrugor Lezhë-Shkodër, janë ndaluar nga
efektivët e policisë rrugore për kontroll dhe ka rezultuar pas testit të
alkoolit që shtetasi Renato Gjonpalaj po e drejtonte mjetin në gjendje të dehur
ndërsa pasagjeri në mjet shtetasi Besnik Lami i ka kundërshtuar
punonjësit e policisë për të mos i lejuar të kryejnë veprimet e tyre”, sqaron
policia.
Materialet procedurale u referuan Prokurorisë së Rrethit
Gjyqësor Lezhë për veprat penale ” Drejtim mjeti në gjendje të dehur
” parashikuar nga neni 291 i Kodit Penal në ngarkim të shtetasit Renato
Gjonpalaj dhe “Kundërshtim i punonjësit të policisë së rendit publik”
parashikuar nga neni 236/2 i Kodit Penal në ngarkim të shtetasit Besnik Lami.