Studentët paralajmërojnë për protesta. Në njoftimin e fundit të “Lëvizjes për Universitetin” është theksuar se studentët do të mblidhen për protestën e parë më 4 dhjetor para Ministrisë së Arsimit, në orën 11:00. Sipas tyre në këtë protestë do të marrin pjesë studentë nga e gjithë Shqipëria.
Ata japin edhe nëntë arsyet e protestës, ndër të cilat janë: kundër ligjit të arsimit të lartë, arsimi cilësor, përgjysmimi e të gjitha tarifave.
Njoftimi:
ME MIJËRA NË PROTESTË!
Më 4 dhjetor, në njëvjetorin e nisjes së protestave madhështore të studentëve, mblidhemi sërish me mijëra në protestë:
KUNDËR
• Ligjit të arsimit të lartë
• Financimit të universiteteve private me paratë tona
• Abuzimit me të drejtat e studentëve
PËR
• Arsim cilësor
• Dyfishimin e buxhetit të arsimit të lartë
• Përgjysmimin e të gjitha tarifave
• Votë të barabartë studentë-pedagogë
• Kushte dinjitoze studimi dhe jetese
• Perspektivë punësimi profesional
NE DO TË FITOJMË!
BASHKË ME STUDENTËT, E GJITHË SHOQËRIA!
Pothuajse në të njëjtën kohë, një vit më parë studentët protestuan me javë të tëra kundër politikave të qeverisë për arsimin. U bojkotua mësimi dhe studentët zgjodhën sheshet për të bërë publike këkesat e tyre.
Një nga shprehjet më të njohura ishte edhe ajo e kryeministrit Edi Rama “Kur do flasim?”, pasi studentët e refuzuan me ditë të tëra.