Një shqiptar ka rënë në pranga pasi është kapur teksa transportonte drogë më anë të një gomoneje.
Mediat italiane shkruajnë se shqiptari është arrestuar në Brindisi nga një njësi detare e Departamentit Operacional Aeronavale të Bari, teksa lundronte me një gomone me 334 kg drogë.
Droga ishte e ndarë në 310 kg marijuanë dhe 24 kg hashash.
Nëse droga në fjalë do të dilte në treg, në bazë të çmimeve të vendit do të kapte vlerën e katër milion eurove.
Identiteti i shqiptarit nuk bëhet me dije ndërkohë që mësohet se gomonia është sekuestruar.