Kampionati Evropian i futbollit përveç spektaklit në fushë ju dhuron emocione në tribunat e stadiumeve, por edhe në mbarë ambientet ku shihet futboll. Por gallata më e madhe që deri diku është edhe “ofenduese” për shqiptarët vjen nga përtej detit Adriatik, nga Italia fqinje. Dihet mjaft mirë se shqiptarët dhe rumunët janë komunitetet më të mëdha në Itali, por gjithashtu njihen edhe si grupimet që bëjnë grabitjet më të mëdha. Duke qenë se nesër në kuadër të kampionatit evropian Shqipëria luan kundër Rumanisë, kjo cilësohet një festë edhe për Italianët. “Dua t’u informoj se më 19 të këtij muaji nga ora 21:00 deri në orën 23:00 mund t’i lini dyert dhe dritaret hapur, askush nuk do të vijë për të na grabitur. Në atë orë luan Shqipëria me Rumaninë”, shkruhet në një faqe italiane.
