Një godinë katërkatëshe në qendër të Belshit është shembur sot, për t’i hapur rrugë rikualifikimit urban të qendrës së qytetit.
Inspektorati Kombëtar i Mbrojtjes së Territorit (IKMT) shkatërroi me atë që duhet të ishte një shpërthim i kontrolluar objektin 4-katësh që ndodhej në breg të liqenit.
Por, siç duket sasia e eksplozivit prej 12 kg i ka tejlakuar pritshmëritë, pasi nga shpërthimi janë dëmtuar edhe xhamat e ndërtesave rrotull.
Banorët thonë se ishin lajmëruar për shpërthimin, megjithatë nuk kishin dijeni që ai mund të dëmtonte edhe ndërtesat përreth.
Objekti i shembur kishte një sipërfaqe prej rreth 1500 metra katrorë.
Projekti për rikualifikimin urban përfshin të gjithë qendrën e qytetit të Belshit ku është parashikuar që buzë liqenit të ndërtohet shëtitore dhe një hapësirë publike e cila pritet të ndryshojë tërrësisht pajmet e këtij qytetit.
