I ftohti i madh, – 10 gradë, ngrin Korça

253
I ftohti siberian që ka pushtuar edhe vendin tonë ka sjellë një ulje të temparaturave edhe në Veri por edhe në jug të vendit. Temperaturat e ulta që shkuan deri në -10 gradë mëngjesin e sotëm, kanë krijuar probleme në akset nacionale të qarkut të Korçës.
Momentalisht të gjitha akset nacionale janë të kalueshme lehtësisht ndërsa përjashtim bën vetëm aksi nacional që të çon në pikën turistike të Dardhës. Aks i cili është pjesërisht i kalueshëm me zinxhirë.
Për sa i përket zonave të thella malore situata vijon të jetë e njëjtë, me fshatra të izoluar siç janë Lekasi, Trebinja, Mokrra e sipërme dhe e poshtme etj. Problem vijon të mbetet edhe furnizimi me energji elektrike në ato zona ku ka patur defekte të linjës shpërndarëse të energjisë. Si pasojë e temperaturave të ulta në disa fshatra të qarkut të Korçës mësimi është zhvilluar me orare të reduktuara ndërsa në zonat e bllokuara prej ditësh procesi mësimor është pezulluar.