Hemofilikët duhet të përfitojnë trajtim në shtëpi

294

Data 17 prill është Dita Botërore e Hemofilisë. Kjo sëmundje është një çrregullim i lindur i mpiksjes së gjakut që shkaktohet nga faktorët e koagulimit, që shfaqet në formën e hemorragjive. Në kuadër të kësaj dite, Shoqata Hemofilia Shqiptare organizoi një tryezë të rrumbullakët me pacientë, përfaqësues të Ministrisë së Shëndetësisë dhe të ftuar të tjerë.

Drejtuesja e kësaj shoqate, Vera Minga Neziri, e cila prej shumë vitesh lufton për të drejtat e pacientëve hemofilikë në Shqipëri, theksoi problematikat e kësaj kategorie pacientësh dhe vazhdon të ngulmojë që shteti shqiptar duhet të ofrojë trajtimin në shtëpi për këta pacientë. Pasi ky lloj trajtimi ul kosto por jep efekt dhe shmang shumë problematika që japin efekt të pacientët që nuk marrin në kohë terapinë.

Hemofilia është një sëmundje e rrallë dhe në gjithë botën janë të prekur rreth 400.000 persona. Hemofilia A është më e shpeshtë se ajo B, duke përfshirë 80-85% të numrit total. Hemofilia transmetohet nga prindërit te fëmijët nëpërmjet gjeneve. Hemofilia është trashëgimi recesive e lidhur me kromozomin X.