15 studentë janë paraqitur te Spitali ‘Nënë Tereza’ për të marrë mjekim pas mesnate, pasi kanë shfaqur shenja helmimi.
Studentët janë paraqitur të toksikuar rreth orës 01:04 në pavionin e infektivit, bëjnë me dije burime nga policia, që shtojnë se rreth orës 04:52 të gjithë studentët janë larguar për në banesë pas mjekimit të marrë.
Nga veprimet hetimore të kryera është mësuar se këta persona janë helmuar nga ushqimi i konsumuar në Kalimash, Kukës, shtojnë të njëjtat burime. Të rinjtë që studiojnë në Tiranë kishin shkuar në Kalimash për një ekspeditë.
Veprimet e mëtejshme proceduriale ndiqen nga Drejtoria Vendore e Policisë Kukës.