Tre prej grabitësve kanë pranuar akuzat, gjatë marrjes në pyetje në polici. Rreth orës 11:00 të paradites së sotme ka mbërritur në gjykatën e Tiranës për masën e sigurisë Fation Xhyliu, ish punonjësi i kompanisë private të sigurisë që u arrestua për grabitjen e parave të bankës në Qafë Kashar të enjten e kaluar. Gjykata jep sot masën e sigurisë edhe për Ditjon Memlikën. Ernest Kupa nuk ka pranuar të flasë deri tani. Ky është djali xhaxhait të Ilir Kupës, pjesë e bandës së Babagjyshëve që grabitën një argjendari para disa vitesh në qendrën tregtare në Tiranë.
