Faturinoja në Durrës bie nga autobusi, arrestohet shoferi

218

Një faturino femër është plagosur pasi ka rënë nga urbani në qytetin e Durrësit. Për ngjarjen policia ka arrestuar shoferin e urbanit, i cili kishte lënë hapur, ndoshta për shkak të vapës, derën e autobusit.

Ngjarja ka ndodhur paraditen e sotme rreth ores 10:00 në linjën e Unazës së Durrësit, në zonën e Ish-Kënetës.

Njoftimi i policise

Specialistët e Qarkullimit Rrugor në D.V.P. Durrës, arrestuan në flagrancë shtetasin S.K., 52 vjeç, banues në Shkallnur, Durrës për veprën penale “Shkelja e rregullave të qarkullimit rrugor” dhe “Drejtimi i automjetit në gjendje të dehur”.

Arrestimi i tij u bë pasi paraditen e sotme ky shtetas duke lëvizur me autobusin e Unazës, Durrës, ka lënë hapur derën e autobusit ku për pasojë është rrëzuar fatorinoja shtetasja S.T.,50 vjeçe, e cila u transportua në spital dhe ndodhet nën kujdesin e mjekëve, jashtë rrezikut për jetën.

Drejtuesi i mjetit u shoqërua në Komisariat dhe nga testi i alkoolit rezultoi të ishte në gjendje të dehur.

Materialet hetimore i kaluan Prokurorisë për veprime të mëtejshme.