Edhe Ndriçim Xhepa reagon për “konfliktin” me ministren e Kulturës

637
Mëngjesin e sotëm në emisionin “Mirmëngjes nga Xhaxhiu” mbërriti një telefonatë që i suprizoi të gjithë.
Artisti i njohur Ndriçim Xhepa ka telefonuar në këtë emision dhe ka folur në lidhje me zhvendosjen e Teatrit Kombëtar ku sipas tij kjo lëvizje është e pakuptimtë. 
” Zhvendosja e Teatrit Kombëtar pas 70 viteve është pa sens. Teatri Kombëtar po ikën. Eksperimentali po zbukurohet. Ky është një problem që ndoshta artistët u nxitën një cikë dhe nga reagimi i ministrisë. E gjithë kjo ka një alogjizëm. Të iki teatri nga një vend ku ka 70 vite që operon. Njerëzit janë mësuar me teatrin aty ku shitet teatri “, u shpreh Xhepa. 
Aktori i mirënjohur Ndricim Xhepa shpreh më tej se e gjithë kjo lëvizje është pakuptim dhe sipas tij Tirana ka nevojë për më tepër salla teatri. 
Duhet të theksojmë që Ministria e Kulturës, Mirela Kumbaro ka vendosur të zhvendosë Teatrin Kombëtar tek godina e re e quajtur Turbina dhe TKOB të vendoset në godinën e Teatrit Kombëtar, vendim i cili nuk ka gjetur mbështetjen e artistëve.
Telefonuesi: Në telefon, i dashur Xhaxhiu, Ndriçim Xhepa.
Gazetari Xhaxhiu: O, është nder i madh që flas me Ndriçim Xhepën! Marrë pjesë në shqetësimin tuaj, i dashur Ndriçim, në shqetësimin e të gjithë komunitetit të artistëve. Janë duke vënë dorë në tempullin tuaj. Ju duhet të ulërini, jo të jeni kaq të qetë. Më thuaj…
Xhepa: ai është një problem që realisht, që kërcitjen e dha dje, por ndoshta artistët u nxitën dje dhe nga prononcimi i Ministrisë apo ministres këto ditë që Teatri duhet të shkojë në atë objektin e ri…
Gazetari: E saktë. Tek Turbina…
Xhepa: Po, dhe tek Teatri Kombëtar do të vijë Teatri i Operas. Sigurisht që Teatri i Operas është institucion i rëndësishëm, janë kolegët tanë, por nuk ishte thënë deri më sot kjo gjë dhe në një kuptim ka një allogjizëm. Tani, të ikë Teatri që ka 70 vite a më shumë dhe për 2-3 vjet të vijë Opera, s’ka sens, sepse njerëzit janë mësuar me tetarin aty ku shihet Teatri. Dhe në qoftë se shteti, institucionet tona, ashtu siç kanë thënë, e kanë dhënë atë idenë që Tetari i do të bëhet , por nëse momentalisht shteti nuk ka mundësitë financiare për ta filluar nga fillimi – sepse të bësh një institucion si tetari nga fillimi do një okupim financiar të një nieveli jo të vogël…
Gazetari: E do dhe s’e do, miku im… se kur e ka bërë Shkupi…një superteatër, nuk ma merre mendja se ne jemi më keq.
Xhepa: Superteatri i Shkupit, ku unë kam parë shfaqje në të sapo ishte inaguruar, ka kushtuar rreth 45-46 milionë euro, që të jemi të saktë. Këtë e di nga njerëzit që jetojnë aty, rrotullohen aty.
Xhaxhiu: Ndonjë zgjidhje, i dashur…Sikur ndonjë pronat e trafikantëve të sekuestrohet dhe të kalojë në funksion të teatrit, ja ku u zgjidh.
Xhepa: ato hyjnë tek mrekullirat dhe në vendin tonë nuk ndodh.
Gazetari: Po derisa kemi këta shtetarë nuk ndodh se në një vend normal edhe mund të ndodhë.
Xhepa: Kështu që për momentin, përderisa rezulton se mundësitë e shtetit për ta filluar atë Teatër tani nuk janë, atëhërë përderisa ka ndenjur 70 vjet, mund të rrijë edhe 72 dhe 73 dhe Teatri i ri – që sinqerisht unë e përgëzoj pushtetin aktual, ministrinë, kryeministrin që e bënë një sallë tjetër alternativë, një sallë plus, me një administratë të vogël atje mund të ketë pafundësisht shfaqje të tjera. Tirana tani është zgjeruar, “Komuna e Parisit”, zna e Liqenit, Selita…Mund të jetë 20-30% e banorëve të Tiranës që me shumë kënaqësi do ta frekuentojnë me kënaqësi…Kështu mund të zgjidhet kjo për momentin.
Sigal