Sipas statistikave europiane, të paktën 32 mijë shqiptarë kanë kërkuar azil vitin e kaluar në vendet e Bashkimit Europian. Nga këta, 7.445 shqiptarë aplikuan për azil në Francë.
Por, ndërkohë që presin lajmin e mirë i cili nuk ndodh shpesh, shqiptarët jetojnë në kushte jo të mira. Disa prej tyre kanë patur fatin të sistemohen në shtëpi deri në pritje të përgjigjes përfundimtare nga autoritetet europiane. Por, për pjesën tjetër situata nuk është fare e mirë.
Një shqiptar nga Vlora që kërkon të marrë azil në Francë kërkon të sensibilizojë opinionin se jeta jashtë atdheut “nuk është fushë me lule”.
