Për zgjedhjet në të shkuarën, kush s’u kujtua?..
Dhe Çeçua* shkroi, siç shkruante veç ai:
«Do bëhen zgjedhjet, po unë ç’i dua»,
Kur vetëm për popullin s’voton njeri.
Do bëhen zgjedhjet për Deputet,
Me këngë, flamuj e me bori,
Parat ëpër zgjedhjet, si ujtë në det,
Dhe populli gëzohet në varfëri…
«Do bëhen zgjedhjet, po unë ç’i dua»,
Kur nuk e di votën se ku shkon,
“Gëzohu o popull!”, më thonë mua,
Për mbretërit që zbresin e hipin në fron…
“Gëzohu o popull!”, për “Baballarët”,
Po i dituri pse ka thënë me shpoti :
“E keqja e Shqipërisë janë shqiptarët”
Që kurrë s’mendojnë për Shqipëri…?
Po vijnë zgjedhjet, mirë se të vijnë,
Po britma të mos ketë e as armiqësi,
Të zgjedhurit e popullit vallë e dinë,
Që populli u jep dhe u merr çdo fuqi?…
* Varg nga poema “Epopeja e Balli kombëtar” të Shefqet Musarait
*-Çeço – Është fjala për autorin e poemës..
Ka ardhur deputeti ?!…
-”Ulu , i tha xha Hasanit, deputeti,
Ulu, se për të moshuarit, shpirti na dhemb”, “
Unë ulur, mor zotri, gjithë jetën kam qenë,
Tani, dua të flas disa fjalë në këmbë.”…
-”Atëherë fol, se ju jeni burim i diturisë,
Dhe ne, prej pleqve mësojmë shumë, Mençuria i duhet Shqipërisë,
Se përpara na presin shumë punë”…
Po xha Hasaniu, i ngrysur pyeti :
“Unë s’të njoh, cili je ti, mor zotëri ?”…
Të tjerët thanë: “Është deputeti,
Ka ardhur që ta zgjedhim përsëri…”
-”Ka ardhur ?!, po ku ishte, mos vallë në Hënë?
Se nuk e kemi parë, për ne s’ka bërë asgjë,
Dhe fshati i varfër ka mbetur, siç ka qenë “…
Pastaj, Xha Hasani u ul e s’foli më…
Po deputeti foli përsëri,
Dhe si më parë, mori prapë zotime:
“Për fshatin do ndërtoj një xhami,
T’i faleni për ditë fjalës sime”…