Dy të rinj janë vënë në prangat e policisë së Sarandës në tentativë për të trafikuar drogë drejt Greqisë.
Uniformat blu kanë sekuestruar 22 kg kanabis, ndërsa ka arrestuar në flagrancë transportuesit e lëndës narkotike, përkatësisht:
-A. H., 31 vjeç, lindur dhe banues në Berzhit,Tiranë.
-G. P., 29 vjeç, lindur dhe banues në Polis, Librazhd.
“Në vijim të punën për parandalimin dhe goditjen e trafikut të lëndëve narkotike dhe trafiqeve të paligjshme që mund të zhvillohen nëpërmjet kufirit jeshil, Shërbimet e Policisë Kufitare gjatë patrullimit në afërsi të Likojanit, kanë evidentuar dhe kapur dy shtetas që po transportonin dy çanta ku brenda tyre kishte 22 kilogramë lëndë narkotike” thuhte në njoftimin e policisë.
Po kështu, Policia e Sarandës shpalli në kërkim edhe dy shtetas të tjerë, A.XH dhe D.A dhe po vijon puna për kapjen e tyre.
Materialet i kaluan Prokurorisë së Rrethit Gjyqësor Sarandë për veprime të mëtejshme.
