Dritëro Agolli: Heshtja

248

Për të gjithë ata,që  për heronjtë dhe dëshmorët kujtohen kur ua do protokolli zyrtar….

Lexoni Dritëro Agolli Sot me 29 nëntor 2019

Dritëro Agolli

Heshtja

S’ka heronj,

heronjtë i përzumë me lavdi

përditë i nanuritëm dhe me lajka

dalëngadalë i vumë një nga një

në prehje dhe në gjumë.

 

S’ka heronj,

heronjtë u mërzitën,

prisnin ëndrrat,

ëndrrat u vonuan duke pritur

heshtën e dremitën

dhe në nina-nana u kënduam.

 

Ç’digjeni nga malli për heronjtë?!

kushedi kur kthehen nga kjo anë

Ç’i kërkoni?

Pritja është e kotë

S’ka heronj, tani ka pehlivanë!