Dekani i Universitetit Mesdhetar të Angjelit, kapet duke vjedhur në Kaliforni të SHBA-ve

135

Mediat amerikane raportojnë se Kosta Barjaba, dekani i Universitetit Mesdhetar të Tiranës, të Anastas Angjelit dhe njëkohësisht, kreu i grupit të Punës për Çështjet Sociale në Partinë Socialiste është arrestuar në Kaliforni, të SHBA-ve për tentativë  vjedhjeje në një qendër tregtare.  Zëdhënësi i policisë në Palo Alto, Shon Doëney ka deklaruar se, Barjaba, bashkë me të shoqen Fatbardha dhe vajzën e tyre Joniada u arrestuan në 27 dhjetor pasi tentuan të vjedhin disa veshje në Stanford Shopping Center. Bëhet fjalë për disa veshje të shtrenjta meshkujsh dhe një çante me vlerë 238 dollarë. Po sipas zëdhënësit Doëney të tre familjarët janë parë të dalin nga qendra tregtare me një çantë pasditen e 27 dhjetorit dhe pak më vonë janë parë të rifuten në dyqan po me të njëjtën çantë. “U ndaluan në parkingun e një qendre tregtare në SHBA. Ndodhesha në makinën e djalit me familjen time. Ndalimi sepse nuk kisha autorizim për të ngarë makinën”,- tha Bajraba duke shtuar sqaruar se lajmi i përhapur për vjedhje nuk është i vërtetë. “Ishte thjesht një keqkuptim i situr. Nuk jam ndaluar nga policia as unë as familja. Asgjë nuk është e vërtetë. Unë jam në SHBA për pushime. Lajmi nuk është i vërtetë”,- tha Bajraba. Gazeta “Telegraf” do të publikojë raste të korrupsionit që kanë lidhje me qendrat e përkujdesit të fëmijëve ndaj gjakmarrjes, si në Poliçan të Skraparit, ku bëhen fjalë për disa afere që janë mbajtur të fshehta,  të qindra mijëra euro dhe rol në këto ka luajtur edhe Kosta Barjaba.  Kreu i PS-së për Tiranën, Saimir Tahiri, në vend që të kërkojë të falur socialistëve, për zgjedhjen e bërë për Barjaban, si kreun e programit social të PS-së, dje u mundua të gënjejë, duke thënë, se Barjaba nuk është anëtar i PS-së.

PS-ja shkarkon çiftin Bajraba. Policia në SHBA konfirmon: “U ndaluan për vjedhje!”

 Pas kërkesës publike të PD-së për shkarkimin e Kosta Bajrabës nga funksionet në PS, pasi u kap duke vjedhur në një qendër tregtare në Shtetet e Bashkuara, PS-ja ka reaguar duke nisur procedurat e shkarkimit nga funksionet partiake të të dy bashkëshortëve, Kosta dhe Fatbardha Bajraba. Fatbardha është anëtare e kësaj partie si dhe anëtare e Asamblesë së Përgjithshme dhe sipas selisë rozë do të shkarkohet deri në sqarimin e plotë të këtij incidenti.