Çeku tenton të kalojë kufirin shqiptar me 19 kg kanabis, ja si e zbuloi policia

85
Një shtetas çek, 42 vjeçari Elchin Ragimov është arrestuar sot në pikën e kalimit kufitar të Hanit të Hotit, pasi shërbimet e Policisë Kufitare me shërbim në vijën e dytë, e kanë përzgjedhur për kontroll të detajuar automjetin tip “Opel”, me targë 5AR2462, me të cilën udhëtonte ky i fundit drejt Malit të Zi.
Gjatë kontrollit të imtësishëm të automjetit, shërbimet e policisë konstatuan 24 pako të dyshuara me lëndë narkotike, të fshehura në pjesën e parakolpit dhe pjesën e pasme.
Pakot ishin të mbështjella me letër natriban, ku pas peshimit rezultoi rreth 19 kilogramë lëndë e dyshuar narkotike e llojit Cannabis Sativa.
Në përfundim të veprimeve të para hetimore të kryera nga Specialistët e Sektorit për Hetimin e Narkotikëve, u bë arrestimi në flagrancë i drejtuesit të mjetit.
Materialet iu referuan Prokurorisë së Krimeve të Rënda Tiranë, për veprën penale “Trafikimi i narkotikëve” mbetur në tentativë.

20250942_320944178331425_881022869_o20205900_320944161664760_1106132998_o20180188_320944148331428_1957235545_o20205799_320944138331429_531508565_o