Arrestohet 25-vjeçari në Korçë, ushtruar në lokalin e tij bastet sportive

287

25-vjeçari me iniciale e H.XH është arrestuar nga policia e Korçës pasi është kapur në flagrancë duke ushtruar në lokalin e tij bastet sportive, një aktivitet i jashtëligjshëm në vendin tonë që para një viti.

Ai është banorë në fshatin Barç të qytetit të Korçës i cili zhvillonte aktivitetin e tij në lokalin e tij. Policia i ka sekuestruar shtetasit H.XH në cilësinë e provës materiale një telefon celular tip “Samsung Galaxy A6”, me të cilin 25-vjeçari punonte për vendosjen e basteve sportive.

Të gjitha materialet i kanë kaluar Prokurorisë pranë Gjykatës të Shkallës së Parë Korçë, ndërsa ai ndodhet nën pranga për veprat penale: “Organizimi i lotarive të palejuara”, “Vënia në dispozicion e lokaleve për lojëra të palejuara” dhe “Fshehja e të ardhurave”.

Njoftimi i policisë:

Korçë,

Vijojnë kontrollet për evidentimin dhe vendosjen përpara përgjegjësisë ligjore të personave të cilët ushtrojnë aktivitetin e kundraligjshëm të lojërave të fatit.
Policia arreston në flagrancë një shtetas.

Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasit:

• H. Xh., 25 vjeç, banues në fshatin Barç, Korçë.

Arrestimi i tij u bë pasi, gjatë kontrollit që shërbimet e Policisë kanë ushtruar në lokalin në përdorim të tij në fshatin Barç, iu gjet e sekuestrua në cilësinë e provës materiale një telefon celular tip “Samsung Galaxy A6”, i cili përdorej nga ky shtetas, për vendosjen e basteve sportive.

Materialet i kaluan Prokurorisë pranë Gjykatës të Shkallës së Parë Korçë për veprat penale “Organizimi i lotarive të palejuara”, “Vënia në dispozicion e lokaleve për lojëra të palejuara” dhe “Fshehja e të ardhurave”.