Ambasada Amerikane në Tiranë u kërkon shtetasve amerikanë në Shqipëri të bëjnë kujdes nga plumbat qorr, shoferët e alkoolizuar dhe grabitësit. Mesazhi i sigurisë vjen në kuadër të festave të fundvitit. Në faqen e saj zyrtare, ambasada amerikanë në Tiranë kujton shtetasit amerikanë se, “duhet të jenë të vetëdijshëm se të shtëna me armë mund të ndodhin në zonat më rurale të Shqipërisë, sidomos në mesnatën e 31 dhjetor, për të festuar ardhjen e Vitit të Ri. Për fat të keq, lëndime të rënda dhe vdekjeve mund të ndodhë si rezultat i plumbave qorr. Qytetarët e SHBA duhet të ushtrojnë kujdes në qoftë se kanë planifikuar për të udhëtuar jashtë Tiranës në prag të Vitit të Ri. Është gjithashtu e rekomanduar që fishekzjarrë të shihet nga një distancë të sigurt, mundësisht nga shtëpia”. Mesazhi vijon më tej duke theskuar se: “Pushimet sjellin rritjen e numrit të aksidenteve automobilistike ku drejtuesit e mjeteve janë të alkoolizuar. Tregohuni të kujdesshëm kur udhëtoni gjatë natës dhe respektoni rregullat e qarkullimit rrugor”. Në vijim të këtij mesazhi theksohet se ndërrimi i viteve shënon edhe rritje të krimit, kryesisht vjedhjeve dhe grabitjeve, ndaj këshillohet që në dyqane të mos mbajnë sasi të mëdha parash me vete, të sigurojnë banesa e të mos lënë dhurata në automjetet e tyre, që të mos bëhen pre e grabitësve.
