Aksione ‘blic’ në Vlorë e Sarandë, prangosen pesë persona

122

Pesë persona që akuzohen për vepra të ndryshme penale, janë arrestuar në Sarandë dhe në Vlorë. Ata akuzohen për trafik narkotikësh, vjedhje, drejtim makine në gjendje të dehur etj.

“Vlorë, ndalohet shtetasi në kërkim G. S., 34 vjeç, banues në Vlorë. Ndalimi i tij u bë pasi Gjykata e Apelit për Krimet e Rënda Tiranë, në vitin 2017, i ka vendosur masën e sigurisë “Arrest në burg” për veprën penale “Trafikimi i lëndëve narkotike” kryer në bashkëpunim e mbetur në tentativë.

Vlorë, arrestohet në flagrancë shtetasi H. B., 56 vjeç, banues në fshatin Peshkëpi, Selenicë.

Arrestimi i tij u bë pasi pranë banesës së tij policia ka konstatuar të kultivuara disa bimë narkotike të dyshuara si cannabis sattiva. Vlorë, arrestohet në flagrancë shtetasi A. D., 30 vjeç, banues në fshatin Xhyerinë, Vlorë. Arrestimi i tij u bë pasi ky shtetas është kapur duke vjedhur një dyqan kozmetik në lagjen “Isa Boletini”.

Vlorë, arrestohet në flagrancë shtetasi E. Z., 50 vjeç, banues në Tiranë. Arrestimi i tij u bë pasi u kap në flagrancë në lagjen “11 Janari” duke drejtuar automjetin Mercedes Benz, në gjendje të dehur.

Sarandë, arrestohet në flagrancë shtetasi M. A., 32 vjeç, banues në fshatin Berdenesh, Sarandë. Arrestimi i tij u bë pasi ky shtetas duke udhëtuar me motomjetin Dayang pa leje drejtimi përkatës, ka humbur kontrollin e mjetit në aksin rrugorë Ura e Çukës – Ksamil dhe si pasojë është aksidentuar duke u dëmtuar vetë lehtë.

Materialet janë referuar në Prokurori për veprime të mëtejshme proçeduriale.” – njofton policia.