Autoriteti i Komunikimeve Elektronike dhe Postare ka njoftuar qytetarët se me kërkesë të Drejtorisë së Përgjithshme të Policisë së Shtetit, për të mbrojtur sigurinë publike janë udhëzuar operatorët celularë që të ndërprejnë shërbimet e komunikimeve elektronike në disa zona të Tiranës. Kjo ndërprerje do të ndodhë nga ora 11.00 deri në orën 16.00.
Njoftimi i AKEP:
“Autoriteti i Komunikimeve Elektronike dhe Postare njofton qytetaret se me kërkesën e Drejtorisë së Përgjithshme të Policisë së Shtetit, me qëllim marrjen të masave për zbatimin e detyrimeve që kanë të bëjnë me mbrojtjen e interesave të vendit dhe të sigurisë publike, ka udhëzuar operatorët celulare të bëjnë ndërpreje të shërbimeve të komunikimeve elektronike në disa zona të Tiranës, nga ora 11.00 deri në orën 16.00 të datës 21 shkurt 2019.
AKEP ka vepruar në zbatim të Ligjit 9918/2008, “Për komunikimet elektronike në RSH”, i cili autorizon bllokimin e shërbimeve per nevoja te sigurisë publike.
AKEP ju kërkon ndjesë qytetarëve lidhur me kufizimet e përkohëshme të shërbimeve dhe shpreson qe situata të tilla të mos jenë të nevojshme në të ardhmen”.
