Një bisedë e përgjuar mes biznesmenit Arbër Çekaj dhe të pandehurit Donaldo Lushaj, është një tjetër provë me të cilën Prokuroria për Krime të Rënda, ka implikuar ata në trafikun e sasisë rekord të kokainë gjetur në kontenierët me banane.
“Edhe pse jashtë Shqipërisë, i pandehur Arbër Çekaj gjatë kohës që kontenieri mbahej në doganën e Durrësit, mbante komunikime të shpeshta dhe i shqetësuar me të pandehur tjetër Donaldo Lushaj,” thuhet në dosjen e prokurorisë, ku më poshtë është transkriptuar biseda mes dy të pandehurve.
A: Çfarë po bëni. Me kënd je aty
D: S’kanë gjë në dorë këta
D: Po presin me ardh nga Tirana
A: kush ka në dorë
D: Me tosin jam
A: Me ardhë pse a e kontrolluan
A: Ai që fola me të tha jam nga Tirana
D: po po me firmos procesverbalin ata që ishin nën kontroll
D: Ata po presin që fole ti
A: Anti narkotiku
D: Me ardh me firmos
A: Po a janë normal pse ikën pa firmos
A: Kush jau ka numrat
A: Nuk është Arlindi
D: Jo ka ik Arlindi se një herë thanë mbaruan
D: Se di është e ngatërrume
D: Vec po flasim kur të shkoj te puna
Referuar kësaj bisede, Prokurori Kondili shkruan në dosje se shqetësimet e dy të pandehurve lidhen me “Antinarkotikun”, me kontrollet që lidhen pikërisht me lëndët narkotike.
